ການແຂ່ງຂັນ​ ສິລະປະ​ການຕໍ່ສູ້​ປ້ອງກັນ​ຕົວ​ລະດັບໂລກ​ (world Martialarts)​ ທີ່ ເມືອງຈຸງຈູ ປະເທດເກົາຫຼີໃຕ້ ເຊິ່ງໃນນັ້ນກໍ່ມີທີມຈາກ ສປປລ ລາວ ສົ່ງເຂົ້າແຂ່ງຂັນ

ການແຂ່ງຂັນໃນຄັ້ງນີ້ ແມ່ນຈັດຂຶ້ນແບບອອນລາຍ ເລີ່ມແຂ່ງຂັນ ລະຫວ່າງ ວັນທີ 29 ກັນຍາ ຫາ 31ຕຸລາ 2021ຊິ່ງມີ 7 ລາຍການຄື:

1. ດ່ຽວຊາຍ ມືເປົ່າ

2. ດ່ຽວຍິງ ມືເປົ່າ

3. ດ່ຽວຊາຍ ມີອາວຸດ

4 .ດ່ຽວຍິງ ມີອາວຸດ

5. ຄູ່ປະສົມ ບໍ່ມີອາວຸດ

6 .ຄູ່ປະສົມ ມີອາວຸດ

7. ປະເພດທີມ

ໃນນັ້ນທີມຈາກ ສປປ ລາວ ລົງແຂ່ງຂັນຊິ່ງວ່າທີມຈາກ ຄະນະວິທະຍາສາດການກີລາ-ກາຍະກຳ (ຄວກ) ນຳໂດຍອາຈານ ພິລາວັນ ຈັນທະກາລີ ພ້ອມດ້ວຍນັກສຶກສາກໍ່ໄດ້ສົ່ງທີມເຂົ້າແຂ່ງຂັນ 2ລາຍການຄື: ຄູ່ປະສົມບໍ່ມີອາວຸດ ແລະ ຄູ່ປະສົມມີອາວຸດ

ຜົນຂອງການແຂ່ງຂັນປາກົດວ່າ: ລາຍການຄູ່ປະສົມບໍ່ມີອາວຸດ ສາມາດຍາດໄດ້ຫຼຽນເງິນ ຜູ້ເຂົ້າແຂ່ງຂັນໄດ້ແກ່: ນາງ ອິນທິລາ ບຸດສິງຄຳ ນັກສຶກສາ ປີ4 ຄະນະ ຄວກ ພາກພະລະສຶກສາ ແລະ ທ້າວ ອານຸສອນ ວັນນະລາດ ນັກສຶກສາ ຄະນະອັກສອນສາດ ພາກພາສາຈີນ ຊິ່ງນຳມາສູ່ກຽດຊື່ສຽງຂອງປະເທດຊາດ ແລະ ຄວກ ຫວັງຢ່າງຍິ່ງວ່າແຟນມວຍ ແລະ ປະຊາຊົນລາວຈະໃຫ້ການຊຸກຍູ້ໃຫ້ການສະໜັບສະໜູນ ແລະ ສົ່ງເສີມໃນໂອກາດຕໍ່ໆໄປ