ໃນວັນທີ 31/1/2022 ຄະນະວິທະຍາສາດການກິລາ-ກາຍະກຳ (ຄວກ) ມະຫາວິທະຍາໄລແຫ່ງຊາດ (ມຊ) ມອບຂະບວນຝຶກຫັດ ໃຫ້ພະແນກສຶກສາທິການ ແລະ ກິລາ ແຂວງບໍລິຄຳໄຊ (ສກຂ.ບຊ) ໂດຍການເປັນປະທານ ຂອງ ທ່ານ ຮສ. ປອ. ອຸດົມ ພອນຄຳເພັງ ຮັກສາການອະທິການ ມຊ, ກ່າວມອບໂດຍທ່ານ ປອ. ອິນຕອງ ເລີດສິນໄຊ ຄະນະບໍດີ ຄວກ ແລະ ກ່າວຮັບໂດຍ ທ່ານ ລົມ ແພງສຸກ ຫົວໜ້າພະແນກ ສກຂ.ບຊ, ຂະບວນຝຶກຫັດດັ່ງກ່າວຈະຝຶກຫັດຢູ່ເມືອງປາກຊັນ ປາກກະດິງ ແລະ ທ່າພະບາດ ປະກອບມີ ສາຂາຄູພະລະສຶກສາ ແລະ ສາຂາຄູຝຶກບານເຕະຈຳນວນ 97 ຄົນ ຍິງ 28 ຄົນ ກຳນົດຝຶກຫັດ 1/2-9/4/2022 ແລະ ເພື່ອຊ່ວຍສ້າງໃຫ້ແຂວງບໍລິຄຳໄຊເປັນສູນກາງຮຽນຮູ້ ແລະ ພັດທະນາຊັບພະຍາກອນມະນຸດ ຄວກ-ມຊ ຈະພັດທະນາບຸກຄະລາກອນ ແລະ ພະແນກສຶກສາທິການ ແລະ ກິລາແຂວງບໍລິຄຳໄຊ ກໍຈະຮັບຄູຝຶກຫັດເພື່ອຊ່ວຍ ມຊ ພັດທະນາທຸກປີ ສະເພາະຄະພະລະສຶກສາແລ້ວ ຄວກ-ມຊ ຈະພັດທະນາທີ່ຄູພະລະສຶກສາປະຈຳການ ໃຫ້ຈັດການຮຽນການສອນໃຫ້ສອດຄ່ອງກັບສະພາບປະຈຸບັນ.